Дијагностички метод за мерење на дебелината на рожницата. Се користи при разни заболувања на рожницата, за прецизно мерење на очниот притисок, како и пред процедури за рефрактивна хирургија.

Транспарентноста и нормалната дебелина на рожницата од околу 545 микрометри овозможуваат анатомски интегритет на очното јаболко и нормално функционирање на окото. Со едноставна употреба на пахиметар (се користи високофреквентен ултразвук или Scheimpflug камера), прецизно ја мериме дебелината на рожницата. Пахиметријата е исклучително важна во контактологијата при проценка на состојбата и степенот на кератоконусот (неправилно искривување на рожницата).