Се врши одредување на видната острина (без и со оптичка корекција), преглед на околината на очите, капаците, конјунктивата или сврзницата на окото, рожницата, предната очна комора, ирисот и очната леќа, стаклестото тело, увеата, мрежницата, жолтата дамка, видниот нерв и подвижноста на очните јаболка. Се мери очниот притисок, дебелината на рожницата, длабочината на предната очна комора и големината на коморниот агол. Се утврдува состојбата на очното дно, како и состојбата на крвните садови, жолтата дамка и периферијата на мрежницата. Овој преглед овозможува рана детекција, дијагностика и следење на ефектите на конзервативната и хируршката терапија кај различни заболувања, како што се сенилната макуларна дегенерација, глауком, дијабетска ретинопатија, едем и руптура на макулата, дегенерација на жолтата дамка, епиретинални мембрани, одлепување на стаклестото тело или мрежницата на окото и други. Помага при откривање, но и превенција на многу, не само очни заболувања и е исклучително важно да се изведува редовно.